Bókin “Meltingarvegurinn og geðheilsa” er þýðing bókarinnar “Gut and Psychology Syndrome” eftir Dr. Natasha Campbell-McBride. Það eru án efa mikilvæg tengsl á milli geðrænna vandamála og þeirrar næringar sem við fáum. Ef við látum ranga eða ónægilega fæðu í líkama okkar getum við ekki starfað eðlilega.

Í nútíma samfélagi er fæðan sem við borðum því miður oftast valin með tilliti til hentugleika og bragðs en ekki næringargildis. Það er staðreynd að við hirðum betur um bílana og húsin okkar en líkama okkar. Okkur myndi til dæmis ekki detta í hug að setja ódýrt og óhreint eldsneyti á bílinn sem fer illa með vélina, en við hugsum okkur ekki tvisvar um þegar við látum ofan í okkur óholla og skaðlega fæðu.